Назад

Сабырдуу болгула, балдар

Рубрика: Статьи / Автор: admin / 20.10.2017

Автор: Айгуль Фатахутдинова

Кандайдыр нерсе ишке ашпай, дал келбесе,
Капаланба, жинденбе, сабырдуу бол.
Сабырдууга сыйлык бар Аллахымдын
Кыяматта андай жанды коркунуч чалбайт.
Айша Зоц

Мектепте акыркы конгуроо болуп, класстар аңгырап бош калды, окуучулар ар тарапка учкан көпөлөктөр сымал каникулга туш-тушка тарап кетишти.  Үчүнчү классты жаңы эле бүткөн Руслан апасы менен чогуу жайкы каникулда эмне кылаарын сүйлөшүп келе жатты.

—      Апаке, мен чоң атам Ахмеддикине барамбы?
—      Албетте уулум, атаң экөөбүз поездге билет да сатып алганбыз.
—      Ура-а!-деп кубана кыйкырды бала. Чоң атамдын короосундашаркырап аккан суу, кулпунай, анан бакчасында өтө чоң гилас дарагы бар!.

Эки күндөн соң  Руслан поезддин ичинде, терезенин жанында ар кай нерселерге көз чаптырып баратты.

—      Уулум, айнектен берирээк болчу, шамалдап калба.
—      Апаке, караңызчы булуттарды, кемелерге окшоп сүзүп баратышат, тигине талааларды караңыз, кандай кооз…

Акыры  чоң атасы жашаган айылга да жетишти. Руслан ата-энеси менен чогуу чоң атасынын үйүнүн эшигинин маңдайында турушту.

—      Эшикти мен такылдатсам болобу?-деди Руслан.
—      Макул, чоң атаңды бир таң калтырчы,-деп макул болду атасы.

Балакай эшикти күчүнүн болушунча такылдатты, бирок эч ким чыкпады.

—      Эмне үчүн эч ким ачпай жатат?-деп таарына түштү Руслан.

Аңгыча, короонун ар жагынан шыбырт дабыш угулду. Бул олбурлуу, сакалын кооз кылып кырынган, бойлуу келген чоң ата эле. Бир колуна жаңы эле колдөн туткан балыкты кармап алыптыр. Аны көргөн Руслан оозун ачып таңыркап , анан дароо чоң атасынын моюнуна асылып, бекем кучактады.

—      Ассаламу алейкум! Коноктор келип калыптыр го! Сен болсо аябай эле чоңоюп калыптырсың,-деп сыймыктануу менен
сүйлөдү  чон ата  небересин өзүнө имере кучактап.

—      Ва алейкум ассалам,-деп Руслан, ата-энеси менен чогуу саламга алик ала жооп кылышты.
—      Үйгө ичкери киргиле, азыр балык тамак жасайбыз.
—      Сизде кандай сонун чоң ата!-деп Руслан үйдү, короону бир сыйра сыдыра тиктеди.
—      Үйдү кенен-чонон кароого сенде убактың өтө көп болот, баарын кароого жетишесиң,-деди чоң атасы.

Эртеси таң эрте менен атасы, апасы кетишти. Руслан уйкудан ойгонуп көзүн ачып, ордунан туруп чоң атасынын бөлмөсүн караса эч ким жок экен. Үстөлдүн үстүндө сүт, жаңы бышкан нан, быштак жана мөмө-жемиштер туруптур, анын жанында кагазда “Руслан, тамактан, андан кийин гилас дарактын түбүнө келип кал”-деген жазуу турат.

Бала шаша-буша тамактанып, чон атасы күтүп турган гилак баккка жете барды. Чоң атасы гиластын далдаасында туруп алып чон корзинага мөмөлөрдү шыпылдай үзүп жатыптыр.

—      Ассаламу алейкум, чоң ата!.
—      Ва алейкум салам.
—      Сиз мөмөнү аябай эптүү терет экенсиз. Мен да терсем болобу?
—      Болбогондочу, албетте болот. Тээ тиги корзинканы колуңа ал, эки жөөккө түшүп гилас мөмөсүн өзүң тере аласыңбы?

Чоң ата гиластын сабагынан кармап мөмөнү кантип терүү керектигин көргөздү. Аны көргөн бала жан дили менен гилас терүүгө киришти: а бирок чоң атасы эптүү кыймылдап, тыкан, таза жана бат-баттан терип жатты. А Руслан болсо жаңы ишке көнүшө албай, эптей албай, чоң атасынан кыйла артта калып анысына ичтен ызаланды.

—      Эмне чарчадыңбы?-деп сурады чоң атасы.
—      Чарчадым. Мен баары бир жакшы тере албайт окшойм, эчтеке кыла албай жатам,-деп ызалана жооп берди небереси.
—      Эсиңде болсун,  биздин пайгамбарыбыз Мухаммад (Ага тынчылык жана саламаттык болсун) “көп эмес болсо да, дайыма туруктуу жасалган иш Аллахка жаккан иш”,-деп айткан.  Эгер сен сабырдуу болуп, жасай албаган ишиңди күн сайын  жасоого акырындап аракеттенсең акыры аны да үйрөнөсүң. Эсиңдеби, сен мурда велосипед тебе алчу эмессиң, тебе албасаң да кайра-кайра аны айдап жүрүп акыры тепкенди үйрөнүп алдың.

Түшкө маал Расулдун корзинкасы мөмөгө толуп калды.

—      А сен эптей албай жатам дедиң эле.Мына көрдүңбү сабырдуу болуп корзина толо мөмө жыйнап салдың,-деп жылмайды чоң ата.
—      Мен эми дайыма ушунтип сабырдуу болууга аракет кылам,-деп башын бийик көтөрө кубанды Руслан.

Ал тырышчаактык жана тынбаган аракетчилдик менен мыкты ийгиликтерге эетишээрин дээринде түшүнүп, ага бекем ишенди.

А силерчи, балдар, кандайдыр бир иш жасаганда сабырдуу боло аласыңарбы?

Кыргызчага которгон: Islamlife.kg